Tukel: Cerita Lucu Ala Ambon

MAKU

Maku mo pi mangael mar ada ujang deng anging sadiki,.

Mar deng sombong dia pung slak ,..
biar tuhan biking ujang beta biking payong..
Biar tuhan biking anging beta biking layar,..
tuhan biking aer masing beta biking parao,..
Seng tau sampe di tengah laut dapa anging basar sampe parao su mo tabale,..
maku takotang..lalu dia berdoa ,..
tuhanee beta tadi sangaja sa ,..jang marah beta...
Seng lama laut su tenang lai trus dia langsung pulang,
bagitu sampe di pante maku lia dia pung rumah su tabongkar
gara gara angin basar tadi,..
Deng maku pung slak lai,...
tuhan…eee kalo katong pung persoalan dilaut jang bawa akang kadarat lai…

by Roy Waas

Poka Saja Seng Tau

Ada carita 1 Basudara dong samua,,,
Di Ambon ni ada musim hujan,,
Yakobis ni dia tinggal di kuda mati. Dia mo pi kuliah di poka.
Sebelum kluar dari rumah, Yakobis berdoa par Tuhan,,
“Tuhan kasi cuaca cerah sampe di poka jua
barang beta hari ini ada ujian semester…. Amin”,
Trus yakobis ambel motor dia jalan dari kudamati,
aer salobar,batu merah, passo,hunuth, seng ujang.
Dia bilang dalam hati, Tuhan ni paleng bae par beta
sampe dengar beta pung Doa.
Pas mau maso-maso Poka Hujan turun paling kuat,
Yakobis babasa lalu stop di bawa pohong…
sambil emosinya,, Yakobis angka muka ka langit lalu bataria,,
TUHAN eee MASA POKA SAJA SENG TAU,,, ??? hahahahhaaa

by Roy Waas

MINTCE & KOBIS

Mintce ni dia bakalai deng Kobis
Mintce : Kobis se ni to dapa gaji kasi par beta pas2,,
Kobis : se harus minta syukur beta ada kasi par se,
Mintce : nanti klo minong deng teman2
bali dong minumang se ni mangarti par orang,,
ose ni seng parnah kasi PERPULUHAN par Antua Di Atas,,,
Kobis ni supaleng marah, dia pung talinga su pa...nas
dia bilang par Mintce..
ooeee dasar orang tar skolah ni kang,,
bagemana beta mo kasi PERPULUHAN,, par Tuhan,,
Sedangkan Antua Pung No rekening sa beta seng tau,,,!!!
hohohohoh hahaha wkwkwk

by Roy Wass